Adega Altos de Cristimil
Altos de Cristimil é unha empresa familiar especializada na elaboración de viños Albariño de máxima calidade e cun importante grao de diferenciación, sendo moi marcada a orixe das uvas e a forma de elaborar o viño.
Durante máis de 100 anos producen viños e augardentes de xeito tradicional con resultados excepcionais e moi recoñecidos, obtendo numerosos premios e distincións.
No ano 2007 inauguraron a nova adega equipada con tecnoloxía de última xeración.
Os tanques de aceiro inoxidable de alta calidade, a prensa neumática, os equipos de estabilización, etc. dan unha idea da calidade do material co que traballan na adega.
A adega cultiva a viña da forma máis respectuosa posible.
Traballan a terra e respectan a flora e a fauna beneficiosas para o viñedo.
En canto á vendima, seguen facéndoa manualmente, seleccionando as uvas no propio viñedo, controlando a calidade en orixe.
En Altos de Cristimil elaboran finos e elegantes albariños que reflicten á perfección o seu lugar de orixe.
Uns viños que están lonxe dos clásicos albariños galegos. A súa diferenza fundamental radica na selección das uvas e no prensado, utilizando só o primeiro mosto que se obtén ou “mosto de flores” no segundo viño.
Altos de cristimil – Etiqueta Negra
Unha selección de uvas das mellores e singulares parcelas da adega danlle carácter a este viño albariño.
É un viño amarelo pálido, con tons verdes.
Ten unha graduación alcohólica do 13%.
Ideal para tomar con carne (porco ou tenreira), arroces ou pratos de pasta e con queixos cremosos.
Altos de cristimil – Etiqueta Blanca
Este viño é 100% Albariño.
É un viño limpo e brillante, amarelo pajizo, dourado, con destellos verdosos.
Ten unha graduación alcohólica do 13%.
Ideal para tomar con marisco e peixe galego.
