Descrición da adega

É unha pequena empresa que afronta o reto de dar continuidade á tradición familiar de Ramón Padín Chaves, coñecido como “O Perello” porque era moi de festa (de aí o nome da adega), na produción de viño albariño. Ramiro, o seu fillo é o actual propietario, desde 1987, seguindo a tradición vitivinícola.

O significado de Perello é un "ser fantástico, divertido, inofensivo e trasno burlón". Dicíase que era un trasno que entraba nas casas e desordenaba as cousas. Por este motivo deixaban grans de millo e trigo diante das portas para que os cambiase de sitio e así non entrase a facer travesuras dentro das casas.

A filosofía da adega é seguir elaborando viño de xeito tradicional, combinando coa axuda de novas técnicas, co único obxectivo de mellorar a calidade do produto.

O 100% das uvas coas que se elabora o viño O Perello recóllense nos seus propios viñedos, que xunto co coidado das plantas e os seus froitos, así como a colleita no seu nivel óptimo, combinan as condicións ideais para a elaboración dun viño de máxima pureza.

Teñen unha produción de 7000 a 8000 litros ao ano, aínda que a adega ten capacidade para 27000 litros.

Nesta adega teñen unha vella vide datada de 1929.

Denominación de orixe
Ubicación
    Información de Contacto
    Ubicación
    Carrito
    • Sin produtos no carrito

    Esta web utiliza cookies. Para un correcto uso e funcionamento, debe aceptalas. Máis información sobre as cookies.

    The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

    Close